Download MP3 Pitaruah Ayah Untuk Anak Laki-laki

Bismillahirahmanirrahim“Rabbish srahli sadri wayasirli amri wahlul u’k datam millisani yaf kahu kauli.”

O… nak kanduang sibirang tulang, buah hati limpo bakuruang, ubek jariah palarai damam, sidingin tampa di kapalo.
Kamari-mari molah duduak, ado rundiang ayah Sampaikan.
Kalau diliek dipandangi nak, dicaliak umua nan tapakai, badan Ayah baransua tuo, kini manjalang anam puluah.
Hari patang mantari turun, awan di barat merah sago, malam nan tidak lamo lai.
Nyampang tibo saruan Allah, aja sampai capek paminto umua alah tibo dijangkauan.
Tabuah digoa tigo-tigo, badan baganjua baliak pulang katampek asa mulo jadi suruik ka tanah nan sabingkah.
Badarun aia pamandian, ba lasia bunyi cabiak kapan, dikocong dikabek limo, cukuik satanggi jo aia bungo.
Bararak tandu ka surau, tibo di surau dibujuakan, mairiang shalat ampek takbir.
Kini manuju ka pusaro, iyo ka pandam pakuburan.
Tagolek di liang lahat, tanah sakapa bapakalang, mahereang mahadok ka kiblat, dibateh papan nan sahalai.
Badaro tanah panimbunan, tatagak mejan nan duo, manyalo ciluang hitam, do’a dibaco panghabisan.
Tujuah langakah mayik di kubua, nak datang malaikaik pai batanyo. Tapi jangankan tanyo ka tajawab, usaha ndak hawa katabandiang, utang ka anak nan takana, kasiah tagaiang alun sampai.
Jo kok basuo nan bak nantun nak, taradok pusako ka bajawek ataupun warih ka di baia, usah diarok dari ayah. Sabab baalah baitu, salamo dunia di tunggu, Ayah diseso parasaian, gilo diarak-arak untuang.
Tapi kaganti ameh, bak di urang timbalam, pitih nan babilang, hanyo pitaruah batinggakan, banamo Pitaruah Ayah.

Itulah tando kasiah sayang, utang nan nyato pado anak, kini ayah lansaikan.
Dangakan molah anak kanduang, simakkan bana nyato-nyato.
Satitiak usah lupokan, sabarih janganlah hilang, ganggam arek, paciak tantaguah.
Siang ambiaklah ka patungkek, kok malam jadikan suluah pidoman patang jo pagi......

Karangan Yus DT.Parpatiah, Pimpinan Balerong Grup Jakarta
"Semoga bermanfaat bagi dunsanak sakalian, amin ya Rabbal alamin.
Bagi yang berkeinginan melakukan donasi silahkan menghubungi Angku Yus Dt Perpatih Mobile : 0815-971-9761

Silahkan Download versi MP3 Lengkapnya (pelajari cara downloadnya) :

- Pitaruah Ayah Untuk Anak Laki-laki seri 1 (Download Seri 1)
- Pitaruah Ayah Untuk Anak Laki-laki seri 2 (Download Seri 2)
- Pitaruah Ayah Untuk Anak Laki-laki seri 3 (Download Seri 3)
- Pitaruah Ayah Untuk Anak Laki-laki seri 4 (Download Seri 4)

Cara Download:
1. Anda akan masuk ke Link ADF.LY
2. Klik Skip Add di Pojok Kanan Atas
3. Silahkan Download

Silahkan REGISTER untuk Membuka Komik dan Buku-buku Lainnya...
nb: Kalau Ada Salah Satu Link Yang tidak Bisa di Download Silahkan di Beritahu...
Maklum Ngumpulinnya udah Pusing, tapi REGISTER dulu ya....??